മുഖ്യമന്ത്രിയെയും സിപിഎം നേതൃത്വത്തേയും ലക്ഷ്യംവെച്ച് രൂക്ഷ വിമര്‍ശനങ്ങളുമായി വീണ്ടും സിപിഐ. കളളന്റെ കുരിശാണ് പാപ്പാത്തിച്ചോലയില്‍ പൊളിച്ചത്, ത്യാഗത്തിന്റെ കുരിശായി ആരും ഇതിനെ വ്യാഖ്യാനിക്കരുത്. ആ കൈയേറ്റത്തിന്റെ കുരിശിനെ ഉപയോഗിച്ചാണ് മൂന്നാറില്‍ സര്‍ക്കാര്‍ ഭൂമി വെട്ടിപ്പിടിക്കാന്‍ പലരും ശ്രമിക്കുന്നതെന്നാ‍ണ് സിപിഐ സംസ്ഥാന സെക്രട്ടറി കാനം രാജേന്ദ്രന്‍ പറഞ്ഞത്.
അതേസമയം, ഭ്രാന്ത് പിടിച്ച ആര്‍ത്തിപണ്ടാരങ്ങള്‍ കൈയേറ്റത്തിന്റെ ഭാഗമായി കുരിശിനെ മാറ്റിയെന്ന് ബിനോയ് വിശ്വം പറഞ്ഞു. കുരിശ് പൊളിച്ചുമാറ്റിയത് ബാബറി മസ്ജിദ് പൊളിച്ചത് പോലെയാണെന്നാണ് ചിലര്‍ പറഞ്നു നടക്കുന്നത്. ആര്‍എസ്എസിനെയും ബിജെപിയെയും സഹായിക്കുകയെന്നതാണ് ഇത്തരക്കാരുടെ ലക്ഷ്യമെന്നും ബിനോയ് വിശ്വം പറഞ്ഞു.