മോഹന്‍ലാലിന്റെ ഔദ്യോഗിക വെബ്‌സൈറ്റായ ‘ദി കംപ്ലീറ്റ്‌ ആക്ടര്‍ ഡോട്ട് കോം ഹാക്ക് ചെയ്യപ്പെട്ട സംഭവത്തില്‍ മോഹന്‍ലാല്‍ സംസ്ഥാന പോലീസ്‌ മേധാവിക്കും, സൈബര്‍ സെല്ലിനും പരാതി നല്‍കി.ഇ-മെയില്‍ സന്ദേശത്തിലൂടെയാണ് ലാല്‍ പരാതി നല്‍കിയത്. സംഭവത്തേപ്പറ്റി ഗൗരവമായി അന്വേഷിക്കാന്‍ ഡി ജി പി ബന്ധപ്പെട്ടവര്‍ക്ക്‌ നിര്‍ദ്ദേശം നല്‍കി. സൈബര്‍ സെല്‍ എസ്പിയെയാണ് കേസിന്റെ അന്വേഷണ ചുമതല ഏല്പിച്ചിരിക്കുന്നത്.
നേരത്തെ മോഹന്‍ലാലിന്റെ ഔദ്യോഗിക വെബ്സൈറ്റ് സൈബര്‍ വാരിയേഴ്സ് എന്ന ഹാക്കിംഗ് ഗ്രൂപ്പ്‌ ഹാക്ക് ചെയ്തിരുന്നു. വെബ്സൈറ്റ് ഹാക്ക് ചെയ്തതിന് ശേഷം ഇവര്‍ പാക്കിസ്ഥാന്റെ പതാകയും കശ്മീരിനെ മോചിപ്പിക്കൂ എന്ന തലക്കെട്ടോടെ സന്ദേശവും പോസ്റ്റ് ചെയ്തിരുന്നു.