മഹാരാഷ്ട്രയില്‍ അവധി ആഘോഷിക്കാന്‍ അണക്കെട്ടിന് സമീപമുള്ള വെള്ളച്ചാട്ടത്തില്‍ ഇറങ്ങി ഒരു കുടുംബത്തിലെ അഞ്ച് പേര്‍ ഒഴുക്കില്‍പ്പെട്ട് മരിച്ചു. മഹാരാഷ്ട്രയിലെ ലോണാവാലയിലാണ് സംഭവം. സംഭവത്തിന്റെ ദൃശ്യങ്ങള്‍ സമൂഹമാധ്യമങ്ങളില്‍ പ്രചരിപ്പിക്കുന്നുണ്ട്. ഭയപ്പെടുത്തുന്ന ദൃശ്യങ്ങളാണ് പുറത്തുവന്നത്. വെള്ളച്ചാട്ടത്തിന്റെ നടുവില്‍ 9 പേര്‍ കുടുങ്ങി നില്‍ക്കുന്ന കാഴ്ച ദൃശ്യത്തിലുണ്ട്. ഇതില്‍ ഒരു കൈക്കുഞ്ഞുണ്ടായിരുന്നു. സമീപപ്രദേശങ്ങളില്‍ ശക്തമായ മഴ ഉണ്ടായിരുന്നു.
