ന്യൂദല്‍ഹി ലോക്‌സഭാ മണ്ഡലത്തില്‍ വോട്ട് രേഖപ്പെടുത്തി കേരള ഗവര്‍ണര്‍ ആരിഫ് മുഹമ്മ്ദ് ഖാന്‍. ന്യൂദല്‍ഹി ലോക് സഭാ മണ്ഡലത്തിലെ അറുപത്തിയേഴാം നമ്പര്‍ പോളിങ് ബൂത്തിലാണ് അദ്ദേഹം വോട്ട് രേഖപ്പെടുത്തിയത്. വോട്ടുരേഖപ്പെടുത്തി പുറത്തിറങ്ങിയശേഷം ഭാരതം ഉടന്‍ തന്നെ ലോകത്തിലെ ഒരു മഹാശക്തിയായി മാറുമെന്ന് ഗവര്‍ണര്‍ മാധ്യമങ്ങളോട് പറഞ്ഞു.
വോട്ടെടുപ്പിന്റെ ആറാം ഘട്ടമായ ഇന്ന് 58 സീറ്റുകളിലാണ് മത്സരം നടക്കുന്നത്. മത്സരിക്കുന്നത് 889 പേരാണ്. ആറു സംസ്ഥാനങ്ങളിലും രണ്ട് കേന്ദ്ര ഭരണ പ്രദേശങ്ങളിലുമാണ് വോട്ടെടുപ്പ് നടക്കുന്നത്. ഉത്തര്‍പ്രദേശിലെ 14 മണ്ഡലങ്ങള്‍, ഹരിയാന-10, ബീഹാര്‍-8, വെസ്റ്റ് ബംഗാള്‍-8, ഒഡീഷ-6, ജാര്‍ഖണ്ഡ്-4, ജമ്മുകശ്മീര്‍-1 എന്നിങ്ങനെയാണ് സംസ്ഥാനം തിരിച്ചുള്ള കണക്ക്.
ഇന്ത്യന്‍ പ്രസിഡന്റ് ദ്രൗപതിമുര്‍മു, കോണ്‍ഗ്രസ് നേതാക്കളായ രാഹുല്‍ ഗാന്ധി, സോണിയാ ഗാന്ധി, വിദേശകാര്യമന്ത്രി എസ് ജയശങ്കര്‍, ഗൗതം ഗംഭീര്‍ എന്നിവര്‍ വോട്ടുചെയ്തു. ഡല്‍ഹിയില്‍ 8.94 ശതമാനം വോട്ടും പശ്ചിമ ബംഗാളില്‍ 16.54 ശതമാനം വോട്ടും രേഖപ്പെടുത്തി. കേന്ദ്രമന്ത്രിമാരായ ധര്‍മേന്ദ്രപ്രദാന്‍, റാവു ഇന്ദര്‍ജിത് സിങ് തുടങ്ങിയവരും കോണ്‍ഗ്രസിന്റെ കനയ്യകുമാറും ജനവിധി തേടുന്നു.