സംസ്ഥാനത്ത് ഒരു കൊവിഡ് മരണംകൂടി. കൊല്ലം മയ്യനാട് സ്വദേശി വസന്തകുമാറാണ്(68) മരിച്ചത്. ഈമാസം 10നായിരുന്നു ഇദ്ദേഹം ഡല്‍ഹിയില്‍ നിന്ന് എത്തുന്നത്. 15-ാംതിയതി പനിയെ തുടര്‍ന്ന് ചികിത്സതേടി. 17 ന് കൊവിഡ് പോസിറ്റീവായതിനെ തുടര്‍ന്ന് കൊല്ലം ഗവണ്‍മെന്റ മെഡിക്കല്‍ കോളേജ് ആശുപത്രിയില്‍ ചികിത്സയിലായിരുന്നു.
ഇന്നലെ രാത്രിയില്‍ ഹൃദയാഘാതം ഉണ്ടാകുകയും ഇന്നുരാവിലെ മരിക്കുകയുമായിരുന്നു. സംസ്‌കാരം കൊവിഡ് പ്രോട്ടോക്കോള്‍ അനുസരിച്ച് നടക്കുമെന്ന് ആരോഗ്യവകുപ്പ് അറിയിച്ചു.