കൊച്ചി മെട്രോ: രണ്ടാംഘട്ടത്തിന് അനുമതി
കൊച്ചി മെട്രോ പദ്ധതിയുടെ രണ്ടാംഘട്ടത്തിന് കെ എം ആര്‍ എല്‍ ഡയറക്ടര്‍ ബോര്‍ഡ് അനുമതി നല്‍കി. കലൂര്‍ സ്റ്റേഡിയം മുതല്‍ കാക്കനാട് വരെ 11 കിലോമീറ്ററിനാണ് അനുമതി നല്‍കിയത്..
രണ്ടാം ഘട്ടത്തിന് 1600 കോടി യാണ് ചിലവ് പ്രതീക്ഷിക്കുന്നത്. സമാന്തര റോഡ് വികസനത്തിനായി 30 കോടി രൂപയാണ് കണക്കാക്കിയിരിക്കുന്നത്. കുടിയൊഴിപ്പിക്കുന്നവരുടെ പുനരധിവാസത്തിനായി 25 കോടി രൂപ മാറ്റിവച്ചിട്ടുണ്ട്.
ആലുവ മുതല്‍ പേട്ട വരെയായിരുന്നു മെട്രോ പദ്ധതി വിഭാവനം ചെയ്തിരുന്നത്. എന്നാല്‍ പൊതുജനാവശ്യം കണക്കിലെടുത്ത് രണ്ട് കിലോമീറ്റര്‍ കൂടി നീട്ടി എസ്എന്‍ജംഗ്ഷന്‍ വരെ ആക്കുകയായിരുന്നു.
