ശിവഗിരി സര്‍ക്യൂട്ട് പദ്ധതിയില്‍ കേന്ദ്ര സംസ്ഥാന സര്‍ക്കാരുകളുടെ മനോഭാവത്തില്‍ മാറ്റം വരുത്തണമെന്ന് മുന്‍ മുഖ്യമന്ത്രി ഉമ്മന്‍ ചാണ്ടി. 70 കോടി രൂപയുടെ ശിവഗിരി ടൂറിസം സര്‍ക്യൂട്ട് പദ്ധതി റദ്ദാക്കിയ കേന്ദ്ര സര്‍ക്കാര്‍ നടപടിക്കെതിരെയും. സംസ്ഥാന സര്‍ക്കാരിന്റെ ചെമ്പഴന്തി അന്തര്‍ദേശീയ പഠനകേന്ദ്രത്തോടുള്ള അവഗണനയ്‌ക്കെതിരെയും വലിയ പ്രതിഷേധമാണ് ഉയരുന്നത്. കേന്ദ്ര സംസ്ഥാന സര്‍ക്കാരുകളുടെ തെറ്റായ തീരുമാനം തിരുത്തണമെന്ന് ഉമ്മന്‍ചാണ്ടി ആവശ്യപ്പെട്ടു.
