കെ സുരേന്ദ്രൻ ജയിൽ മോചിതനായി!

ശബരിമല യുവതിപ്രവേശനവുമായി ബന്ധപ്പെട്ട പ്രതിഷേധത്തെ തുടർന്ന് അറസ്‌റ്റിലായ ബിജെപി ജനറല്‍ സെക്രട്ടറി കെ സുരേന്ദ്രൻ ജയില്‍ മോചിതനായി. 22 ദിവസത്തെ ജയിൽ വാസത്തിന് ശേഷം കടുത്ത ഉപാധികളോടെയാണ് സുരേന്ദ്രന് ജാമ്യം അനുവദിച്ചിരിക്കുന്നത്.

കേ​സി​ല്‍ സു​രേ​ന്ദ്ര​ന് വെ​ള്ളി​യാ​ഴ്ച ഹൈ​ക്കോ​ട​തി ജാ​മ്യം അ​നു​വ​ദി​ച്ചി​രു​ന്നു. ഇ​തേ​തു​ട​ര്‍​ന്നു ഇ​ന്ന് രാ​വി​ലെ പൂ​ജ​പ്പു​ര ജ​യി​ലി​ല്‍​നി​ന്ന് അ​ദ്ദേ​ഹം പു​റ​ത്തെ​ത്തി​യ​ത്. സു​രേ​ന്ദ്ര​ന് വ​ലി​യ സ്വീ​ക​ര​ണ​മാ​ണ് പ്ര​വ​ര്‍​ത്ത​ക​ര്‍ ജ​യി​ലി​നു പു​റ​ത്ത് ഒ​രു​ക്കി​യി​രു​ന്ന​ത്. 

പത്തനംതിട്ട ജില്ലയിൽ പ്രവേശിക്കരുതെന്ന് സുരേന്ദ്രനോട് കോടതി നിർദേശിച്ചു. കൂടാതെ രണ്ടു പേരുടെ ആൾ ജാമ്യം വേണമെന്നും രണ്ടു ലക്ഷം രൂപ കെട്ടിവയ്ക്കണമെന്നും നിർദേശിച്ചിട്ടുണ്ട്. പാസ്‌പോർട്ടും സുരേന്ദ്രൻ കെട്ടിവയ്‌ക്കണമെന്നും കോടതി വ്യക്തമാക്കി.

സമാനമായ മറ്റു കുറ്റകൃതങ്ങളില്‍ ഉള്‍പ്പെടാന്‍ പാടില്ലെന്നും കോടതി ജാമ്യ വ്യവസ്ഥയില്‍ കോടതി വ്യക്തമാക്കി. എന്തൊക്കെ ഉപാധികൾ ഉൾപ്പെടുത്തണമെന്ന അഭിപ്രായം ആരാഞ്ഞപ്പോഴാണ് പത്തനംതിട്ട ജില്ലയിൽ പ്രവേശിക്കരുത് എന്ന വ്യവസ്ഥ സർക്കാർ ആവശ്യപ്പെട്ടത്. ഇത് കോടതി അംഗീകരിക്കുകയായിരുന്നു.

ശബരിമല സന്നിധാനത്ത് ദര്‍ശനത്തിനെത്തിയ 52 കാരിയെ ആക്രമിക്കാന്‍ ഗൂഢാലോചന നടത്തിയെന്ന കേസിലാണ് സുരേന്ദ്രന് ജാമ്യം ലഭിച്ചിരിക്കുന്നത്.