2026ലെ നിയമസഭ തിരെഞ്ഞെടുപ്പില്‍ മത്സരിക്കാനില്ലെന്ന് കെ മുരളീധരന്‍. 2029ല്‍ പാര്‍ലമെന്റിലേക്ക് മത്സരിക്കുമെന്നും തോല്‍വി മുന്നില്‍ കാണുന്ന തിരെഞ്ഞെടുപ്പാണെങ്കില്‍ പാര്‍ട്ടി ഉറപ്പായും തന്നെ മത്സരിപ്പിക്കുമെന്നും എല്ലാം പറയുന്നത് കേട്ട് എടുത്ത് ചാടി തീരുമാനമെടുക്കാന്‍ താന്‍ ഇല്ലെന്നും കെ മുരളീധരന്‍ തിരുവനന്തപുരത്ത് പ്രതികരിച്ചു.
കഴിഞ്ഞ ലോകസഭാ തിരെഞ്ഞെടുപ്പില്‍ തൃശൂരില്‍ മത്സരിച്ച മുരളീധരന്‍ മണ്ഡലത്തില്‍ ബിജെപി സ്ഥാനാര്‍ഥി സുരേഷ് ഗോപിയോട് പരാജയപ്പെട്ടിരുന്നു. മണ്ഡലത്തില്‍ കോണ്‍ഗ്രസ് വോട്ടുകളില്‍ ഉണ്ടായ ചോര്‍ച്ച മുരളീധരന്റെ അതൃപ്തിക്ക് കാരണമായിരുന്നു. കൂടാതെ മണ്ഡലത്തിലെ പ്രചാരണങ്ങള്‍ക്ക് നേതാക്കള്‍ കാര്യമായി എത്താഞ്ഞതിനെതിരെയും പാര്‍ട്ടിയില്‍ സംസാരമുണ്ട്. ഈ സാഹചര്യത്തിലാണ് മുരളീധരന്റെ പ്രതികരണം.