Babita phogat, Sakhi malik
ഗുസ്തിതാരങ്ങളുടെ സമരത്തിന് പിന്നില്‍ മുന്‍ ഗുസ്തി താരവും ബിജെപി നേതാവുമായ ബബിത ഫോഗാട്ടെന്ന് ഒളിമ്പിക് വെങ്കലമെഡല്‍ ജേതാവ് സാക്ഷി മാലിക്. ബബിതയ്ക്ക് ഗുസ്തി ഫെഡറേഷന്‍ മേധാവിയാകാന്‍ താത്പര്യമുണ്ടായിരുന്നുവെന്നും അതിനായാണ് ബ്രിജ് ഭൂഷണെതിരായ സമരം ആസൂത്രണം ചെയ്തതെന്നും സാക്ഷി മാലിക് ആരോപിച്ചു. വിറ്റ്‌നെസ് എന്ന പേരില്‍ പുറത്തിറങ്ങിയ പുസ്തകത്തിലാണ് ഇക്കാര്യങ്ങള്‍ പറയുന്നത്. ബ്രിജ് ഭൂഷണെതിരെ ലൈംഗികാരോപണങ്ങള്‍ ഉന്നയിച്ച് ആദ്യം സമരം നടത്താന്‍ സമീപിച്ചത് ബബിത ഫോഗാട്ടാണെന്നും അതിന് പിന്നില്‍ അവര്‍ക്ക് പ്രത്യേക താത്പര്യമുണ്ടായിരുന്നുവെന്നുമാണ് സാക്ഷിയുടെ വെളിപ്പെടുത്തല്‍.
