താന്‍ വിയ്യൂര്‍ ജയിലില്‍ പോയത് നിസാമിനെ കാണാനല്ലെന്ന് മണലൂര്‍ എംഎല്‍എ പി എ മാധവന്‍. ജയില്‍ ഉപദേശക സമിതിയംഗമായ താന്‍ ജയില്‍ സന്ദര്‍ശിച്ചത് ജയില്‍ അഡ്വൈസറി യോഗത്തിനാണന്ന് മാധവന്‍ പറഞ്ഞു. നിസാമിനെ കണ്ടെന്ന തരത്തില്‍ എന്തെങ്കിലും തെളിവ് നല്‍കിയാല്‍ പൊതു പ്രവര്‍ത്തനം അവസാനിപ്പിക്കാന്‍ തയാറാണെന്നും മാധവന്‍ കൂട്ടിചേര്‍ത്തു.തൃശൂരില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു പി എ മാധവന്‍.
നേരത്തെ ഒരു യുഡിഎഫ് എംഎല്‍എയും കോണ്‍ഗ്രസ് നേതാവും സെക്യൂരിറ്റി ജീവനക്കാരനെ കൊലപ്പെടുത്തിയ കേസിലെ പ്രതി നിസാമിനെ ജയിലില്‍ സന്ദര്‍ശിച്ചുവെന്ന് ബാബു എം പാലിശ്ശേരി എംഎല്‍എ ആരോപിച്ചിരുന്നു.