പതിനഞ്ചുകാരിയെ പ്രേമം നടിച്ച് വശത്താക്കി പീഡിപ്പിച്ച കേസുമായി ബന്ധപ്പെട്ട് ഹോട്ടല്‍ ജീവനക്കാരന്‍ അറസ്റ്റില്‍. കോട്ടയം കടുത്തുരുത്തി വെള്ളാശേരി സ്വദേശിയായ പെണ്‍കുട്ടിയെ പീഡിപ്പിച്ച പൂഞ്ഞാര്‍ കല്ലേക്കുളം മുതുകുളത്ത് വീട്ടില്‍ സുധീഷ് എന്ന 28 കാരനാണു അറസ്റ്റിലായത്.
പെണ്‍കുട്ടിയെ കാണാനില്ലെന്ന മാതാപിതാക്കളുടെ പരാതിയെ തുടര്‍ന്നു നടത്തിയ അന്വേഷണത്തില്‍ ശാന്തന്‍പാറ പൂപ്പാറയില്‍ നിന്ന് യുവാവിനെയും പെണ്‍കുട്ടിയെയും പൊലീസ് വ്യാഴാഴ്ച പിടികൂടി.
നിരവധി മോഷണക്കേസുകളില്‍ പ്രതികൂടിയായ സുധീഷ് പെണ്‍കുട്ടിയുമായി തമിഴ്നാട്ടിലേക്ക് കടക്കാനുള്ള തയ്യാറെടുപ്പിനിടയിലാണു പൊലീസ് വലയിലായത്. എസ്ഐ എംഎസ് ഷാജഹാന്‍റെ നേതൃത്വത്തിലുള്ള പൊലീസ് സംഘമാണു ഇരുവരെയും പിടികൂടിയത്.