ബലാത്സംഗ കേസില്‍ പുലിവാല് പിടിച്ച് ഗോവ മുഖ്യമന്ത്രി പ്രമോദ് സാവന്ത്. കഴിഞ്ഞാഴ്ച പ്രായപൂര്‍ത്തിയാകാത്ത രണ്ടുപെണ്‍കുട്ടികളെ നാലുപേര്‍ ബലാത്സംഗം ചെയ്ത കേസിലാണ് മുഖ്യമന്ത്രി വിവാദ പരാമര്‍ശം നടത്തിയത്. 14വയസുള്ള കുട്ടികള്‍ രാത്രി മുഴുവന്‍ ബീച്ചില്‍ തങ്ങുമ്പോള്‍ മാതാപിതാക്കള്‍ അന്വേഷിക്കണമെന്നും കുട്ടികള്‍ക്ക് അനുസരണ ഇല്ലെങ്കില്‍ ആ കുറ്റം സര്‍ക്കാരിന്റേയും പൊലീസിന്റേയും തലയില്‍ ചാര്‍ത്താന്‍ സാധിക്കില്ലെന്നാണ് മുഖ്യമന്ത്രി പറഞ്ഞത്.