ഈ വീഡിയോ വ്യാജമാണെന്ന് എംപിയുടെ ഓഫീസുമായി അടുത്ത വൃത്തങ്ങള്‍ വ്യക്തമാക്കി. ഇ.ടി.മുഹമ്മദ് ബഷീറിന്റെ ശബ്ദമല്ല ഈ വീഡിയോയില്‍ ഉള്ളത്. വാട്‌സ്ആപ്പില്‍ പല ഗ്രൂപ്പുകളിലും ഇത് വ്യാപകമായി പ്രചരിക്കുന്നുണ്ട്. വ്യാജ വീഡിയോ പ്രചരിപ്പിക്കുന്നതില്‍ നിന്ന് ആളുകള്‍ വിട്ടുനില്‍ക്കണമെന്നും എംപിയുടെ ഓഫീസുമായി ബന്ധപ്പെട്ട വൃത്തങ്ങള്‍ അഭ്യര്‍ഥിച്ചു.
അതേസമയം മൊബൈല്‍ ഫോണ്‍ ഉപയോഗം കുട്ടികളില്‍ ട്യൂമറിനു കാരണമാകുമെന്ന് ഇതുവരെ ആധികാരിക പഠനങ്ങളിലൊന്നും തെളിയിക്കപ്പെട്ടിട്ടില്ല. ബ്രെയിന്‍ ട്യൂമറും മൊബൈല്‍ ഫോണ്‍ ഉപയോഗവും തമ്മില്‍ ബന്ധമൊന്നും ഇല്ലെങ്കിലും കുട്ടികളിലെ അമിതമായ മൊബൈല്‍ ഫോണ്‍ ഉപയോഗം മറ്റു പല ആരോഗ്യ പ്രശ്‌നങ്ങള്‍ക്കും കാരണമായേക്കാമെന്നാണ് ശിശുരോഗവിദഗ്ധര്‍ മുന്നറിയിപ്പ് നല്‍കുന്നത്.
