കാട്ടാനയുടെ ചിന്നംവിളി കേട്ട് ഭയന്നോടിയ ആൾ വീണു മരിച്ചു

കാട്ടാനയെ കണ്ട് ഭയന്നോടിയ കര്‍ഷകനെ മരിച്ച നിലയില്‍ കണ്ടെത്തി. സുല്‍ത്താന്‍ ബത്തേരിക്കടുത്ത് കല്ലുമുക്ക് കടമ്പക്കാട് മത്തായി എന്ന 78 കാരനാണ് ഈ ഹതഭാഗ്യന്‍. 

ഞായറാഴ്ച വൈകിട്ടായിരുന്നു സംഭവം. പേരക്കുട്ടികള്‍ക്കൊപ്പം കൃഷിയിടത്തിലിറങ്ങുന്ന വന്യമൃഗങ്ങളെ ഓടിക്കുന്നതിനായി പോയപ്പോഴായിരുന്നു ദുരന്തമുണ്ടായത്. വഴിയില്‍ വച്ച് കാട്ടാനയുടെ ചിന്നം വിളികേട്ട് മറ്റുള്ളവര്‍ ഭയന്ന് തിരിച്ചോടിയപ്പോല്‍ മത്തായി ഒറ്റയ്ക്കായിരുന്നു. പിന്നീട് നടത്തിയ അന്വേഷണത്തിലാണ് മത്തായി വയലില്‍ മരിച്ചുകിടക്കുന്നതായി കണ്ടെത്തിയത്.

വനം വകുപ്പ് വാച്ചര്‍മാരാണ് മത്തായിയുടെ മൃതദേഹം കണ്ടെത്തിയത്. എന്നാല്‍ ആന ആക്രമിച്ചതിന്‍റെ ലക്ഷണങ്ങളൊന്നും കണ്ടില്ല. ഭയന്നോടിയപ്പോള്‍ വീണു മരിച്ചതാവാം എന്നാണു നിഗമനം.