മോട്ടോര്‍ സൈക്കിള്‍ ഒഴികെയുള്ള ഡ്രൈവിംഗ് സ്‌കൂള്‍ വാഹനങ്ങള്‍ക്ക് സംസ്ഥാന ട്രാന്‍സ്‌പോര്‍ട്ട് അതോറിറ്റി (STA) യൂണിഫോം കളര്‍ കോഡ് നടപ്പിലാക്കാന്‍ തീരുമാനിച്ചു. ആംബര്‍ മഞ്ഞ (Amber Yellow ) കളറാണ് തീരുമാനിച്ചിരിക്കുന്നത്. വാഹനത്തിന്റെ മുന്‍പിലും പിറകിലും ( ബംപര്‍ ഉള്‍പ്പെടെ ), മുന്‍പിലെ ബോണറ്റിനും, പിറകിലെ ഡിക്കി ഡോറിനും മേല്‍പ്പറഞ്ഞ കളര്‍ ഉണ്ടായിരിക്കണം.
ഡ്രൈവിംഗ് പരിശീലനം നടത്തപ്പെടുന്ന വാഹനങ്ങള്‍ തിരക്കേറിയ നിരത്തില്‍ വേഗത്തില്‍ തിരിച്ചറിയാനും, വാഹനത്തില്‍ പരിചയ കുറവുള്ള ഡ്രൈവര്‍ പരിശീലാനാര്‍ത്ഥി ആയതിനാല്‍ പ്രത്യേക പരിഗണന ലഭിക്കാനും ഈ പ്രത്യേക നിറം സഹായിക്കും. 2024 ഒക്ടോബര്‍ ഒന്നാം തീയ്യതി മുതല്‍ തീരുമാനം നടപ്പിലാക്കാനാണ് നിര്‍ദ്ദേശിച്ചിരിക്കുന്നത്.