തിരുവനന്തപുരം മേയറടക്കമുള്ളവര്‍ക്കെതിരായ കെഎസ്ആര്‍ടിസി ഡ്രൈവര്‍ യദുവിന്റെ പരാതി കോടതി ഫയലില്‍ സ്വീകരിച്ചു. തിരുവനന്തപുരം മജിസ്‌ട്രേറ്റ് കോടതി മൂന്നാണ് യദുവിന്റെ പരാതി സ്വീകരിച്ചത്. കേസ് ഈ മാസം ആറിനാണ് പരിഗണിക്കുന്നത്. ഡ്രൈവര്‍ യദു മേര്‍ക്കും സംഘത്തിനും എതിരെ നല്‍കിയ പരാതിയില്‍ പോലീസ് ഇതുവരെ കേസെടുത്തിട്ടില്ല. അതേസമയം മേയറുടെ പരാതിയില്‍ ഡ്രൈവര്‍ക്കെതിരെ കേസെടുത്തിട്ടുണ്ട്. ഈ സാഹചര്യത്തിലാണ് യദു കോടതിയെ സമീപിച്ചത്.
