Donald Trump: പഹല്‍ഗാം ഭീകരാക്രമണത്തിനു പിന്നാലെ ഉടലെടുത്ത ഇന്ത്യ-പാക്കിസ്ഥാന്‍ പ്രശ്‌നങ്ങള്‍ പരിഹരിക്കാന്‍ മുന്‍കൈ എടുത്തത് താനാണെന്ന് ആവര്‍ത്തിച്ച് യുഎസ് പ്രസിഡന്റ് ഡൊണാള്‍ഡ് ട്രംപ്. ആണവാക്രമണമായി മാറാന്‍ പോലും സാധ്യതയുണ്ടായിരുന്ന ഇന്ത്യ-പാക്കിസ്ഥാന്‍ സംഘര്‍ഷം പരിഹരിച്ചത് താനാണെന്ന് ട്രംപ് അവകാശപ്പെട്ടു. വൈറ്റ് ഹൗസില്‍ സംസാരിക്കുകയായിരുന്നു അദ്ദേഹം.
രണ്ട് രാജ്യങ്ങള്‍ക്കും തുല്യനാശനഷ്ടങ്ങളാണ് ഉണ്ടായിരിക്കുന്നതെന്നും ട്രംപ് പറഞ്ഞു. ഇന്ത്യ-പാക്കിസ്ഥാന്‍ സംഘര്‍ഷം ഇരു രാജ്യങ്ങളും തമ്മിലുള്ള ചര്‍ച്ചയ്ക്കു ശേഷമാണ് അവസാനിപ്പിച്ചതെന്നും മൂന്നാമതൊരു ശക്തി മധ്യസ്ഥം നടത്തിയിട്ടില്ലെന്നും ഇന്ത്യ ആവര്‍ത്തിക്കുമ്പോഴാണ് ട്രംപ് തന്റെ അവകാശവാദത്തില്‍ ഉറച്ചുനില്‍ക്കുന്നത്.
