ഗാർഹിക അതിക്രമങ്ങൾക്കെതിരെ നടപടിയെടുക്കുന്ന മിത്ര, സഖി, ഭൂമിക, സ്നേഹിത, മഹിള സമഖ്യ ഹെൽലൈനുകൾ വഴി 188 പരാതികളാണ് ലഭിച്ചത്.26 ദിവസത്തിനിടെ ലഭിച്ച പരാതികളിൽ അധികവും ശാരീരിക പീഡനത്തിനെതിരെയാണ്. ലോക്ക്ഡൗൺ കാലത്ത് നിലനിൽക്കുന്ന കുടുംബ പ്രശ്‌നങ്ങൾ കൂടുതൽ വഷളായതാണ് പരാതികൾ കൂടാൻ കാരണമെന്നാണ് സ്ത്രീ ശാക്തീകരണ രംഗത്ത് പ്രവർത്തിക്കുന്നവർ പറയുന്നത്.
മദ്യം കിട്ടാത്തത് അതിക്രമത്തിന് കാരണമായെന്ന് ചൂണ്ടിക്കാട്ടി 28 പരാതികൾ ലഭിച്ചിട്ടുണ്ട്.മാനസികമായി പീഡിപ്പിക്കുന്നെന്ന് കാണിച്ച് 79 ഉം ലൈംഗിക പീഡനത്തിന് നാലും പരാതികൾ കിട്ടി. സാമ്പത്തിക ബുദ്ധിമുട്ടാണ് ഗാർഹിക പീഡനത്തിനുള്ള മറ്റൊരു കാരണമെന്നും റിപ്പോർട്ടിൽ പറയുന്നു. 40 പേരാണ് ഇക്കാര്യം സാക്ഷ്യപ്പെടുത്തിയിരിക്കുന്നത്.
