‘സ്റ്റുഡന്റ് സ്പെഷൽ' എന്ന പുതിയ മൊബൈൽ പ്ലാനുമായി ബി എസ് എൻ എൽ. ആകർഷകമായ നിരക്കിൽ കോളുകളും ഡേറ്റ ഉപയോഗവും നൽകുന്ന ഈ പ്ലാൻ ലക്ഷ്യമിടുന്നത് വിദ്യാർത്ഥികളെ ആണ്. വിദ്യാർത്ഥികളോടൊപ്പം പുതിയ വരിക്കാർക്കും പോർട്ട് ചെയ്യുന്നവർക്കും ഈ പ്ലാൻ ലഭ്യമാകും.
ഒരു വർഷത്തെ കാലാവധിയാണ് പ്ലാൻ നൽകിയിരിക്കുന്നത്. ആദ്യ മാസം ഒരി ജിബി ഡേറ്റ ഉപയോഗം സൗജന്യമായി ലഭിക്കും. അതും വെറും 118 രൂപയ്ക്ക്. ഇതോടൊപ്പം 10 രൂപയുടെ മുഴുവൻ സംസാര സമയവും ലഭിക്കും. ഇത്തരത്തിൽ ആകർഷകമായ പദ്ധതികളാണ് ബി എസ് എൻ എൽ അവതരിപ്പിക്കുന്നത്.
ആദ്യ രണ്ടു മാസ കാലയളവിൽ കേരളത്തിനുള്ളിൽ ബിഎസ്എൻഎൽ നമ്പറുകളിലേക്ക് മിനിറ്റിന് 10 പൈസ നിരക്കിലും മറ്റു നമ്പറുകളിലേക്ക് മിനിറ്റിന് 30 പൈസ നിരക്കിലും വിളിക്കാവുന്നതാണ്. ഈ കാലയളവിൽ 15 പൈസ നിരക്കിൽ എസ്എംഎസ് സൗകര്യവും ലഭിക്കും.