ജിഷ വധക്കേസ് പ്രതി അമീറുല്‍ ഇസ്ലാമിനെതിരെ പൊലീസ് പുതിയ കേസ് രജിസ്റ്റര്‍ ചെയ്തു. ലൈംഗികവൈകൃതമുള്ള ഇയാള്‍ പെരുമ്പാവൂരിനടുത്ത് ഒരു വീട്ടില്‍ ആടിനെ ലൈംഗികപീഡനത്തിന് ഇരയാക്കിയിരുന്നു. ഇതുമായി ബന്ധപ്പെട്ടാണ് കേസ് രജിസ്റ്റര്‍ ചെയ്തിരിക്കുന്നത്. കേസുമായി ബന്ധപ്പെട്ട് എഫ് ഐ ആര്‍ കോടതിയില്‍ സമര്‍പ്പിച്ചതായാണ് റിപ്പോര്‍ട്ട്.
അതേസമയം, ജിഷ വധവുമായി ബന്ധപ്പെട്ട കൂടുതല്‍ തുടരന്വേഷണത്തിനും തെളിവെടുപ്പിനുമായി പ്രതിയെ കോടതി പൊലീസ് കസ്റ്റഡിയില്‍ വിട്ടു. 10 ദിവസത്തേക്കുള്ള കസ്റ്റഡി 30ന് വൈകുന്നേരം 04.30ന് അവസാനിക്കും. കാലാവധി അവസാനിച്ചാല്‍ പ്രതിയെ ഹാജരാക്കണം.
പ്രതിയെ കൂടുതല്‍ ചോദ്യം ചെയ്യുന്നതിനും മറ്റുമായി ആലുവ പൊലീസ് ക്ലബിലേക്ക് കൊണ്ടുപോയി. ഉയര്‍ന്ന ഉദ്യോഗസ്ഥരുടെ സാന്നിധ്യത്തില്‍ പ്രതിയെ ചോദ്യം ചെയ്തു. ആലുവ പൊലീസ് ക്ലബില്‍ എത്തിച്ച് മൊഴിയെടുത്ത ശേഷം ഇയാളെ രാത്രിയോടെ വിട്ടയച്ചു.