പക്ഷിപ്പനിയെ തുടര്‍ന്ന് നാല് ജില്ലകളില്‍ കോഴി,താറാവ് വളര്‍ത്തലിന് നിരോധനം ഏര്‍പ്പെടുത്തി സര്‍ക്കാര്‍ ഗസറ്റ് വിജ്ഞാപനം. ആലപുഴ,പത്തനംതിട്ട,കോട്ടയം,എറണാകുളം ജില്ലകളിലാണ് നിരോധനം. ഡിസംബര്‍ 31 വരെ നാല് മാസക്കാലത്തേക്കാണ് നിരോധനം. ആലപ്പുഴയില്‍ പൂര്‍ണ്ണമായും കോഴി,താറാവ് വളര്‍ത്തലിന് നിരോധനം ഏര്‍പ്പെടുത്തിയിട്ടുണ്ട്.
പത്തനംതിട്ടയില്‍ 10 ഗ്രാമപഞ്ചായത്തുകളിലും 2 മുനിസിപ്പാലിറ്റിയിലും കോട്ടയം ജില്ലയിലെ വൈക്കം,ചങ്ങനാശ്ശേരി താലൂക്കുകളിലും എറണക്‌ളത്തെ നാല് പഞ്ചായത്തുകളിലും നിരോധനം ഏര്‍പ്പെടുത്തിയിട്ടുണ്ട്. ഇവിടങ്ങളില്‍ കോഴി,താറാവ് വളര്‍ത്തലോ മുട്ടകളുടെ വിതരണമോ പാടുള്ളതല്ല. 2009ലെ മൃഗങ്ങളിലെ പകര്‍ച്ചവ്യാധികള്‍ തടയല്‍ നിയന്ത്രണ നിയമപ്രകാരമാണ് വിജ്ഞാപനം. പ്രദേശത്തെ ചെറുകിട കര്‍ഷകരെയാകും വിജ്ഞാപനം സാരമായി ബാധിക്കുക.