പിസി ജോര്‍ജ് മുഖ്യമന്ത്രിക്ക് നല്‍കിയ കത്തും അന്വേഷണത്തില്‍ ഉള്‍പെടുത്തണമെന്നാണ് കത്തിലെ മുഖ്യ ആവശ്യം. ജോര്‍ജിനെ ചോദ്യം ചെയ്യണമെന്നും തെളിവുകളും രേഖകളും പിടിച്ചെടുക്കണമെന്നും വിഎസ് നല്‍കിയ കത്തില്‍ ആവശ്യപ്പെടുന്നുണ്ട്. മാണിയെയും മകന്‍ ജോസ് കെ മാണിയെയും കുറിച്ചുള്ള നിരവധി സുപ്രധാന വിവരങ്ങള്‍ ഈ കത്തിലുണ്ട്. കേസില്‍ കുറ്റപത്രം നല്‍കാന്‍ കാലതാമസം വരുത്തുന്നത് വിജിലന്‍സിന്റെ വിശ്വാസ്യതയ്ക്ക് കളങ്കമാണെന്നും കത്തിലൂടെ വിഎസ് ആരോപിക്കുന്നുണ്ട്.