ആലപ്പുഴയില്‍ ഏഴ് വയസ്സുകാരിയെ തെരുവുനായ ആക്രമിച്ചു. ചേര്‍ത്തല കളവംകോടത്ത് ഏഴു വയസ്സുള്ള കുട്ടിക്ക് നേരെയാണ് തെരുവുനായ ആക്രമണം നടത്തിയത്. കുട്ടിയെ രക്ഷിക്കാന്‍ എത്തിയ മാതാവിനും നായയുടെ കടിയേറ്റു. കുട്ടിയുടെ ചുണ്ടിനാണ് ഗുരുതരമായി പരിക്കേറ്റത്. ഇരുവരെയും കോട്ടയം മെഡിക്കല്‍ കോളേജ് കുട്ടികളുടെ ആശുപത്രിയില്‍ പ്രവേശിപ്പിച്ചു. കുട്ടിയുടെ ചുണ്ടിന് പ്ലാസ്റ്റിക് സര്‍ജറി വേണ്ടിവരും എന്നാണ് ഡോക്ടര്‍മാര്‍ പറയുന്നത്.
