ഓടിക്കൊണ്ടിരുന്ന ബസിൽ യാത്ര ചെയ്യവേ ഛർദ്ദിക്കാൻ വേണ്ടി തല പുറത്തേക്കിട്ട ബാലന്റെ തല വൈദ്യുതി പോസ്റ്റിലിടിച്ച് തല ഉടലിൽ നിന്ന് വേർപെട്ടു. ഗൂഡല്ലൂർ പുത്തൂർ വയൽ സ്വദേശികളായ പരേതനായ ജയറാമിന്റെയും ഡെയ്സിയുടെയും മകൻ സിബി എന്ന പതിമൂന്നുകാരണാണ് ഈ ദാരുണാന്ത്യമുണ്ടായത്.
കഴിഞ്ഞ ദിവസം ഇരുട്ടിയിൽ നിന്ന് മാനന്തവാടിയിലേക്ക് പോയ കെ.എസ്.ആർ.ടി.സി ബസിൽ വച്ചായിരുന്നു ഇവരുടെയും കരളലിയിക്കുന്ന ഈ സംഭവം ഉണ്ടായത്. കൊട്ടിയൂരിനടുത്ത് നീണ്ടുനോക്കി എന്ന സ്ഥലത്ത് വച്ച് ബസിന്റെ പിൻസീറ്റിൽ യാത്ര ചെയ്യവെയാണ് കുട്ടി തല പുറത്തേക്കിട്ടതും ഉരുക്കുകൊണ്ടുള്ള വൈദ്യുതി പോസ്റ്റിൽ കഴുത്ത് ഇടിക്കുകയും ചെയ്തത്.
ഇടിയുടെ ആഘാതത്തിൽ തല വേർപെട്ട്റോഡിൽ വീഴുകയായിരുന്നു. റോഡിൽ ഈ ഭാഗത്ത് വീതി വളരെ കുക്രവായതാണ് പോസ്റ്റിനോട് ചേർന്ന് ബസ് പോകാൻ കാരണമെന്ന് നാട്ടുകാർ പറഞ്ഞു.