കോഴിക്കോട് ഇരട്ട സ്ഫോടന കേസില്‍ റിമാന്‍ഡില്‍ കഴിയുന്ന പ്രതി അബ്‌ദുള്‍ ഹാലിമിന്‌ ജാമ്യം ആവശ്യപ്പെട്ടു കൊണ്ടുള്ള ഹര്‍ജി പരിഗണിക്കുന്നത് വീണ്ടും മാറ്റി. സി ബി ഐ കോടതിയാണ് ഹര്‍ജി പരിഗണിക്കുന്നത് മാറ്റിയത്. കാശ്മീരിലേക്കു തീവ്രവാദികളെ റിക്രൂട്ട്‌ ചെയ്ത കേസിലെ ജാമ്യഹര്‍ജി ഇനി ജനുവരി 27ന് പരിഗണിക്കും.
കേസുമായി ബന്ധപ്പെട്ട് ഹാലിം അറസ്റ്റിലായിട്ട് 180 ദിവസം കഴിഞ്ഞു. എന്നിട്ടും ദേശീയ അന്വേഷണ ഏജന്‍സിയുടെ (എന്‍ ഐ എ) അന്വേഷണങ്ങള്‍ എങ്ങുമെത്തിയിട്ടില്ല. ഇക്കാര്യങ്ങള്‍ ചൂണ്ടിക്കാട്ടി ഹാലിമിന്‍റെ ബന്ധുക്കളാണ് കോടതിയില്‍ ഹര്‍ജി സമര്‍പ്പിച്ചത്.
ഫെബ്രുവരി രണ്ടു വരെ കോടതി റിമാന്‍ഡ്‌ ചെയ്ത ഹാലിം ഇപ്പോള്‍ വിയ്യൂര്‍ സെന്‍ട്രല്‍ ജയിലിലാണുള്ളത്‌. കോഴിക്കോട് ഇരട്ട സ്ഫോടനക്കേസില്‍ മൂന്നാം പ്രതിയാണ് അബ്‌ദുള്‍ ഹാലിം.