സ്വാമി ഗംഗേശാനന്ദയുടെ ജനനേന്ദ്രിയം മുറിച്ച സംഭവത്തില്‍ പെണ്‍കുട്ടിയുടെ കാമുകന്‍ പിടിയില്‍. ക്രൈംബ്രാഞ്ചാണ് ഇയാളെ കസ്റ്റഡിയിലെടുത്തിരിക്കുന്നത്. ഐജി എസ് ശ്രീജിത്തിന്റെ നേതൃത്വത്തിലാണ് ഇയാളെ പൊലീസ് കസ്റ്റഡിയിലെടുത്തത്.
പെണ്‍കുട്ടിയുടെ കാമുകനായ അയ്യപ്പദാസ് ആവശ്യപ്പെട്ടതനുസരിച്ചാണ് സ്വാമിയുടെ ജനനേന്ദ്രിയം മുറിച്ചതെന്ന പെൺകുട്ടിയുടെ മൊഴിയുടെ അടിസ്ഥാനത്തിലാണ് അയ്യപ്പദാസിനെ കസ്റ്റഡിയിലെടുത്തത്. ഇയാള്‍ തന്നെ ലൈംഗിക ചൂഷണത്തിന് ഇരയാക്കിയിട്ടുണ്ടെന്ന് പെണ്‍കുട്ടി പരാതി നല്‍കിയിരുന്നു. അത് കുടാതെ തനിക്ക് വിവാഹ വാഗ്ദാനവും നല്‍കിയെന്നും പെണ്‍കുട്ടി പരാതിയില്‍ പറഞ്ഞിരുന്നു.
അതേസമയം സംഘപരിവാര്‍ പെണ്‍കുട്ടിയെ തടങ്കലില്‍ പാര്‍പ്പിച്ചിരിക്കുകയാണെന്നും അതിനാലാണ് പെണ്‍കുട്ടി മൊഴിമാറ്റുന്നതെന്നും കാണിച്ച് അയ്യപ്പദാസ് നല്‍കിയ ഹര്‍ജി കഴിഞ്ഞ ദിവസം പിന്‍‌വലിച്ചിരുന്നു. പെണ്‍കുട്ടിയെ സ്വാമി നിരന്തരം ഉപദ്രവിച്ചിരുന്നെന്നും അതിനാലാണ് പെണ്‍കുട്ടി സ്വാമിയെ ആക്രമിച്ചതെന്നും പെൺകുട്ടിയെ സംഘപരിവാർ പ്രവർത്തകർ നെടുമങ്ങാട്ട് ഒരു വീട്ടിൽ തടവിൽ പാർപ്പിച്ചിരിക്കുകയാണെന്നും അയ്യപ്പദാസ് ഹർജിയിൽ ആരോപിച്ചിരുന്നു. എന്നാല്‍ പേങ്കുട്ടി ആരുടെയും തടവില്‍ അല്ലെന്നും കുട്ടി മതാപിതാക്കള്‍ക്കൊപ്പം വാടക വീട്ടിലാണെന്നും പേട്ട പൊലീസ് വ്യക്തമാക്കിയിരുന്നു.