യുഡിഎഫിന്റെ കോഴിക്കോട് ജില്ലാ കണ്‍വന്‍ഷന്‍ യോഗത്തില്‍ നിന്ന് കേന്ദ്രമന്ത്രി മുല്ലപ്പള്ളി രാമചന്ദ്രന്‍ ഇറങ്ങിപ്പോയി. മുല്ലപ്പള്ളി കൈവശം വച്ചിരിക്കുന്ന വടകര സീറ്റ് എസ്ജെഡിക്ക് വിട്ടുകൊടുക്കാനുള്ള കോണ്‍ഗ്രസ് നേതൃത്വത്തിന്റെ നീക്കമാണ് മുല്ലപ്പള്ളിയുടെ പ്രതിഷേധത്തിന് കാരണമെന്ന് കരുതുന്നു.
അതേസമയം, സീറ്റ് വിഭജനത്തില്‍ കോണ്‍ഗ്രസ്- എസ്ജെഡി യോഗം ഇന്ന് വീരേന്ദ്രകുമാറിന്റെ വസതിയില്‍ നടക്കും. മുഖ്യമന്ത്രി ഉമ്മന്‍ ചാണ്ടിയും കെപിസിസി പ്രസിഡന്റ് വി.എം സുധീരനും ചര്‍ച്ചയില്‍ പങ്കെടുക്കും.
വയനാട് അല്ലെങ്കില്‍ വടകര എന്ന വാദത്തിലാണ് തുടക്കം മുതല്‍ എസ്ജെഡി ഉറച്ചുനിന്നത്. എന്നാല്‍ വടകരയിലാണ് എസ്.ജെ.ഡി പിടിമുറുക്കിയിരിക്കുന്നത്.