കഴിഞ്ഞ മൂന്നു ദിവസമായി പൊലീസ് തടവറയില്‍ പീഡിപ്പിക്കുകയാണെന്നും ഭക്ഷണം നല്കുന്നില്ലെന്നും രണ്ടുതവണ തങ്ങളെ കൊലപ്പെടുത്താന്‍ ശ്രമിച്ചെന്നും ഷൈന മാധ്യമങ്ങളോട് പറഞ്ഞു. ജനങ്ങള്‍ കണ്ടതു കൊണ്ടാണ് അത് നടക്കാതെ പോയതെന്നും ഷൈന പറഞ്ഞു. സി ബി ഐ കോടതിയില്‍ രൂപേഷിനെയും ഷൈനയെയും ഹാജരാക്കാന്‍ എത്തിച്ചപ്പോഴാണ് ഷൈന മാധ്യമങ്ങളോട് ഇങ്ങനെ പറഞ്ഞത്.
എന്നാല്‍, മുദ്രാവാക്യം വിളികളുമായാണ് രൂപേഷ് പൊലീസ് വണ്ടിയില്‍ നിന്നിറങ്ങി കോടതിയിലേക്ക് ഹാജരാകാനായി പോയത്. ആദിവാസികള്‍ക്ക് ഭൂമിയും പട്ടയവും നല്കുക, പശ്ചിമഘട്ടസംരക്ഷണ സമിതി സിന്ദാബാദ് എന്നിങ്ങനെ ആയിരുന്നു മുദ്രാവാക്യം വിളികള്‍.
