ഗതാഗത മന്ത്രി തോമസ് ചാണ്ടിക്കെതിരെ രൂക്ഷവിമര്‍ശനവുമായി പ്രതിപക്ഷ നേതാവ് രമേശ് ചെന്നിത്തല. കായൽ കയ്യേറിയെന്ന് ജില്ലാ കളക്ടർ കണ്ടെത്തിയ സാഹചര്യത്തിൽ അദ്ദേഹം അധികാരത്തിൽ തുടരുന്നത് നിയമസഭയോടുള്ള അനാദരവും ജനങ്ങളോടുള്ള വെല്ലുവിളിയുമാണെന്നും ചെന്നിത്തല പറഞ്ഞു.
ഒരു നിമിഷം പോലും വൈകാതെ തോമസ് ചാണ്ടിയെ മന്ത്രിസഭയിൽ നിന്ന് പുറത്താക്കാൻ മുഖ്യമന്ത്രി പിണറായി വിജയൻ തയ്യാറാവണം. കളക്ടറെ ഭീഷണിപ്പെടുത്തി സ്വാധീനിക്കാൻ ശ്രമിച്ചങ്കിലും സത്യം മൂടി വയ്ക്കാനായില്ല. ചാണ്ടി അധികാരത്തിൽ തുടരുന്നത് ജനാധിപത്യ കേരളത്തിന് അപമാനമാണെന്നും ചെന്നിത്തല വ്യക്തമാക്കി.