കോഴിക്കോട് ജില്ലയിലെ തെരഞ്ഞെടുപ്പുഫലം പുറത്തുവരുമ്പോള്‍ ഓഞ്ചിയത്ത് സി പി എമ്മിന് വിമതരുടെ പ്രഹരം. ഓഞ്ചിയത്ത് ഫലമറിഞ്ഞ നാലിടങ്ങളില്‍ മൂന്ന് ഇടങ്ങളിലും സി പി എം വിമതര്‍ ജയം കണ്ടു. ഒരിടത്ത് സി പി എം വിമതന്‍ മുന്നേറുകയാണ്. ഒരു സീറ്റില്‍ എല്‍ ഡി എഫ് വിജയിച്ചിട്ടുണ്ട്.
അതേസമയം, ഏറാമല ഗ്രാമപഞ്ചായത്തില്‍ യു ഡി എഫ് മുന്നേറുകയാണ്. ഇവിടെ യു ഡി എഫ് ജയിച്ച എട്ടിടങ്ങളില്‍ അഞ്ചിടത്തും സോഷ്യലിസ്റ്റ് ജനത പാര്‍ട്ടിയാണ് വിജയിച്ചിരിക്കുന്നത്. ഇവിടെ എല്‍ ഡൊ എഫിന് ഇതുവരെ ഒരു സീറ്റുപോലും നേടാന്‍ കഴിഞ്ഞിട്ടില്ല എന്നത് കോര്‍പ്പറേഷന്‍ വിജയിച്ചതിന് ഇടയിലും ഇടത് ക്യാംപിന് ഞെട്ടല്‍ ഉണ്ടായിരിക്കുകയാണ്.
ഇടതുമുന്നണിയുടെ ശക്തികേന്ദ്രമായിരുന്ന അഴിയൂരിലും യു ഡി എഫ് വിജയത്തോട് അടുക്കുകയാണ്. അഴിയൂരില്‍ ഫലമറിഞ്ഞ അഞ്ച് ഇടങ്ങളിലും യു ഡി എഫ് ആണ് വിജയിച്ചിരിക്കുന്നത്. അതേസമയം, ചോറോട് ഗ്രാമപഞ്ചായത്തില്‍ ഫലമറിഞ്ഞ ഇടങ്ങളില്‍ മൂന്നിടത്ത് എല്‍ ഡി എഫും ഒരിടത്ത് യു ഡി എഫും ഒരിടത്ത് വിമതനും ജയിച്ചിട്ടുണ്ട്.