പോള്‍ വധക്കേസ് പ്രതിയായ ഓംപ്രകാശിന് മറ്റൊരു കേസില്‍ മൂന്നരവര്‍ഷം കഠിനതടവും പിഴ ശിക്ഷയും. കുറുമണ്ടല്‍ സ്വദേശി അക്ഷരദാസിനെ വെട്ട് പരിക്കേല്‍പ്പിച്ച കേസിലാണ് പറവൂര്‍ മുനിസിഫ്‌ കോടതി ഓം‌പ്രകാശിനെ ശിക്ഷിച്ചത്.
2002 ഡിസംബര്‍ 22-നാണ് കേസിന് ആസ്പദമായ സംഭവം നടന്നത്. അക്ഷരദാസിന്റെ വീടിന്റെ പരിസരത്തുവച്ചാണ് ഓംപ്രകാശും സംഘവും ആക്രമണം നടത്തിയത്‌. കാലിന് ഗുരുതരമായി പരിക്കേറ്റ അക്ഷരദാസ് പൊലീസില്‍ പരാതിപ്പെട്ടെങ്കിലും ഓംപ്രകാശ് എന്ന പേരില്‍ മറ്റൊരു യുവാവിനെയാണ്‌ അറസ്റ്റു ചെയ്തത്‌.
ആള്‍‌മാറാട്ടം തിരിച്ചറിഞ്ഞ കോടതി പൊലീസിനെ വിമര്‍ശിച്ചെങ്കിലും ഓംപ്രകാശ് എന്ന് പേരുള്ള യഥാര്‍ത്ഥ പ്രതിയെ കണ്ടെത്താന്‍ കഴിഞ്ഞില്ല എന്നാണ് പൊലീസ് കോടതിയില്‍ പറഞ്ഞത്. പൊലീസും ഓംപ്രകാശും തമ്മിലുള്ള കള്ളക്കളിയാണിതെന്ന് അന്നേ ആരോപണം ഉണ്ടായിരുന്നു.