ഗതാഗത മന്ത്രി തോമസ് ചാണ്ടിയുടെ റിസോർട്ടിലേക്ക് റോഡ് നിർമ്മിച്ച സംഭത്തില്‍ പരിഹാസവുമായി അഡ്വ. ജയശങ്കർ. വെറുമൊരു പാവമായ തോമസ് ചാണ്ടി കുവൈറ്റിൽ പോയി വളരെ കഷ്ടപ്പെട്ടാണ് പാവങ്ങൾക്കായി ഒരു റിസോർട്ടു സ്ഥാപിച്ചതെന്നും രണ്ട് എംപിമാരുടെ ഫണ്ട് ഉപയോഗിച്ച് അതിലേക്ക് വഴിയുണ്ടാക്കി ടാർ ചെയ്തപ്പോൾ ഗേറ്റിനു മുന്നിൽ എത്തിയപ്പോൾ ടാർ തീർന്നുപോയെന്നും ജയശങ്കർ തന്റെ ഫേസ്‌ബുക്കിൽ കുറിച്ചു. ടാറിന് ആവശ്യത്തിനു പണം അനുവദിക്കാഞ്ഞ മുൻ സർക്കാരാണ് വിഷയത്തിൽ തെറ്റുകാരെന്നും വിടി ബലറാമിനെ പോലുള്ളവർ പറയുന്നത് പ്രിയ സഖാക്കൾ വിശ്വസിക്കരുതെന്നും ജയശങ്കർ പരിഹസിക്കുന്നു.