ഇടപ്പള്ളി ഫ്ലൈ ഓവറിന് 95 കോടി

PRO

ഇടപ്പള്ളിയിലെ ഫ്ലൈ ഓവര്‍ നിര്‍മ്മാണം 18 മാസങ്ങള്‍ക്കുള്ളില്‍ പൂര്‍ത്തിയാക്കുമെന്ന് ഇ ശ്രീധരന്‍. ഭൂമി വിട്ടുകിട്ടുന്നതിനനുസരിച്ച് നടപടിക്രമങ്ങള്‍ നടക്കും. ഡിഎംആര്‍സി തയ്യാറാക്കുന്ന ഫ്ലൈഓവറാണ് പരിഗണിക്കുന്നത്.

കുറഞ്ഞ ചെലവില്‍ സാധ്യമാക്കുന്ന ഈ ഡിസൈന്‍ കൊച്ചി മെട്രോ റെയില്‍ നിര്‍മാണത്തെ ബാധിക്കാത്ത രീതിയിലാണ് ഒരുക്കുന്നത്.

ഫ്ലൈ ഓവര്‍ നിര്‍മാണത്തിനായി 95 കോടി രൂപ അനുവദിച്ചതായി പൊതുമരാമത്ത്‌ വകുപ്പ്‌ മന്ത്രി വി കെ ഇബ്രാഹിം കുഞ്ഞ് അറിയിച്ചു.

ലുലു മാളിന്‍റെ വരവോടെ ഇടപ്പള്ളിയിലെ ഗതാഗതക്കുരുക്ക് വര്‍ദ്ധിച്ചതോടെയാണ് ഫ്ലൈ ഓവര്‍ നിര്‍മ്മിക്കാന്‍ സര്‍ക്കാര്‍ തീരുമാനമെടുത്തത്.