2024 മാർച്ച് വരെ ലോകമാകെ ടെക് കമ്പനികളിൽ നിന്നും പിരിച്ചുവിട്ടവരുടെ എണ്ണം അമ്പതിനായിരത്തിൽ എത്തിയതായി റിപ്പോർട്ട്. വിപണിയിലെ പ്രതികൂലമായ സാഹചര്യങ്ങളെ നേരിടാൻ വളർച്ചയേക്കാളേറെ കമ്പനികൾ പരിഗണന നൽകുന്നത് കാര്യക്ഷമതയാണ്. കഴിഞ്ഞ വർഷം 2,50,000 പേരെയാണ് വിവിധ കമ്പനികൾ പിരിച്ചുവിട്ടതെന്നും റിപ്പോർട്ട് വ്യക്തമാക്കുന്നു.
2 വർഷത്തിനിടെ രണ്ടാമത്തെ തവണയാണ് ടെക് കമ്പനിയായ ഡെൽ ജീവനക്കാരെ പിരിച്ചുവിട്ടത്. ആറായിരം പേരെയാണ് കമ്പനി പിരിച്ചുവിട്ടത്. 2000 പേരെയാണ് വോഡോഫോൺ പിരിച്ചുവിട്ടത്. ചെലവ് ചുരുക്കുന്നതിൻ്റെ ഭാഗമായാണ് നടപടിയെന്നാണ് റിപ്പോർട്ട്. എറിക്സൺ,ഐബിഎം,ബെൽ എന്നീ കമ്പനികളും നിരവധി ജീവനക്കാരെ പിരിച്ചുവിട്ടതായാണ് റിപ്പോർട്ടുകൾ വ്യക്തമാക്കുന്നത്.