ലോകത്ത് വിവിധ ദേശങ്ങളില്‍ യുദ്ധവും, പ്രകൃതിക്ഷോഭവും, അധിനിവേശവുമെല്ലാം രൂക്ഷമാകുന്ന സാഹചര്യങ്ങളാണ് അഭയാര്‍ഥികളെ സൃഷ്ടിക്കുന്നത്. ഇസ്രായേലി ആക്രമണങ്ങളെ തുടര്‍ന്ന് പലസ്തീനിലും യുദ്ധവും പട്ടിണിയും കാരണം മറ്റ് ദേശങ്ങളിലുമെല്ലാം അഭയാര്‍ഥികള്‍ സൃഷ്ടിക്കപ്പെടുന്നു. അവരെ ഭീകരരായോ അപകടകാരികളായൊ ചിത്രീകരിക്കുകയാണ് പലപ്പോഴും നമ്മള്‍ ചെയ്യാറുള്ളത്. എന്നാല്‍ ലോക അഭയാര്‍ഥി ദിനം മനുഷ്യരെന്ന നിലയിലെ അവരുടെ നിസ്സഹായവസ്ഥ ഓര്‍മപ്പെടുത്തുകയാണ് ചെയ്യുന്നത്. അഭയാര്‍ഥി ദിനത്തിലെങ്കിലും നമുക്ക് കിട്ടിയ സൗഭാഗ്യങ്ങളെ പറ്റി നമുക്ക് ഓര്‍ക്കാം. ഒപ്പം ലോകത്ത് ദുരിതം അനുഭവിക്കുന്ന ജനങ്ങള്‍ക്കൊപ്പം മനസാലെങ്കിലും അണിചേരാം.
