ഐപിഎല്ലിലെ മത്സരങ്ങള്‍ പുരോഗമിക്കും തോറും ഇന്ത്യയുടെ ടി20 ലോകകപ്പിനുള്ള ടീമില്‍ ആരെല്ലാമാകും ഉള്‍പ്പെടുക എന്ന ചര്‍ച്ചകള്‍ സജീവമാകുകയാണ്. സീനിയര്‍ താരങ്ങളായ വിരാട് കോലിയും രോഹിത് ശര്‍മയും ടീമില്‍ തിരിച്ചെത്തിയതോടെ പല യുവതാരങ്ങള്‍ക്കും ലോകകപ്പ് ടീമില്‍ അവസരം ലഭിക്കില്ല എന്നത് ഉറപ്പാണ്. കോലിയും രോഹിത്തും എത്തുന്നതോടെ ജയ്‌സ്വാള്‍,ശുഭ്മാന്‍ ഗില്‍,റിങ്കു സിംഗ് എന്നിവരുടെ കാര്യത്തില്‍ വ്യക്തതയില്ല. നിലവില്‍ വിക്കറ്റ് കീപ്പര്‍ ബാറ്റര്‍ ആരായിരിക്കണമെന്നതാണ് ഇന്ത്യന്‍ സെലക്ടര്‍മാരെ വലയ്ക്കുന്നത്.
