ഐപിഎല്‍ 15-ാം സീസണില്‍ ഇതുവരെ കഴിഞ്ഞ കളികളില്‍ ഏറ്റവും ആവേശകരമായ മത്സരമായിരുന്നു വെള്ളിയാഴ്ച നടന്നത്. പഞ്ചാബ് കിങ്‌സിനെതിരായ മത്സരത്തില്‍ അവസാന രണ്ട് പന്തില്‍ സിക്‌സര്‍ പറത്തിയാണ് തെവാത്തിയ ഗുജറാത്ത് ടൈറ്റന്‍സിനെ വിജയത്തിലെത്തിച്ചത്.
ഒഡീന്‍ സ്മിത്ത് എറിഞ്ഞ അവസാന ഓവറില്‍ ചില നാടകീയ രംഗങ്ങളും അരങ്ങേറി. അവസാന ഓവറിലെ രണ്ടാമത്തെ ഡെലിവറിയില്‍ റണ്‍ഔട്ട് ആയി ഗുജറാത്ത് ടൈറ്റന്‍സ് നായകന്‍ ഹാര്‍ദിക് പാണ്ഡ്യ കൂടാരം കയറി. അതിനു ശേഷമാണ് തെവാത്തിയ ക്രീസിലെത്തിയത്.