ഐപിഎല്ലിലെ ഏറ്റവും ആവേശകരമായ പോരാട്ടങ്ങളില്‍ ഒന്നില്‍ കൊല്‍ക്കത്തക്കെതിരെ വിജയം നേടി പോയിന്റ് പട്ടികയില്‍ ഒന്നാമതായിരിക്കുകയാണ് സഞ്ജു സാംസന്റെ രാജസ്ഥാന്‍ റോയല്‍സ്. മത്സരത്തില്‍ വിജയിക്കാനായെങ്കിലും 224 എന്ന ടാര്‍ജറ്റ് ചെയ്‌സ് ചെയ്യവെ ധ്രുവ് ജുറലിന് പിന്നാലെ അശ്വിനെ ഇറക്കി വിടാനുള്ള രാജസ്ഥാന്‍ തീരുമാനത്തിനെതിരെ വലിയ വിമര്‍ശനമാണ് സമൂഹമാധ്യമങ്ങളില്‍ ഉയരുന്നത്. 224 പോലെ ഒരു വമ്പന്‍ ടോട്ടല്‍ ചെയ്‌സ് ചെയ്യവെ ഹെറ്റ്മയര്‍,പവല്‍ എന്നീ ഹിറ്റര്‍മാരുള്ളപ്പോല്‍ അശ്വിനെ ഇറക്കി വിട്ടത് മണ്ടത്തരമാണെന്നാണ് ആരാധകരുടെ വിമര്‍ശനം.
