പ്രധാനമന്ത്രി നരേന്ദ്രമോദിയുടെ ഇസ്രയേല്‍ സന്ദര്‍ശനത്തെ രൂക്ഷമായി വിമര്‍ശിച്ച് പാക് ടെലിവിഷന്‍ അവതാരകയും നടിയുമായ വീണാ മാലിക് രംഗത്ത്. മോദിയെയും നെതന്യാഹുവിനെയും ഒരുപോലെ വിമര്‍ശിച്ചാണ് നടി വന്നിരിക്കുന്നത്. ഈ കൂടി കാഴ്ചയിലൂടെ ഇവര്‍ ലക്ഷ്യമിടുന്നത് മുസ്ലീം ഉന്‍മൂലനമാണെന്നും വീണാ മാലിക് കുറ്റപ്പെടുത്തി.
ബ്രേക്കിങ്ങ് ന്യൂസ് വിത്ത് വീണ എന്ന പരിപാടിയിലായിരുന്നു വീണാ മാലിക്കിന്റെ ഈ പ്രതികരണം ഉണ്ടായത്. ഇന്ത്യയും ഇസ്രയേലും രാക്ഷസന്‍മാരുടെ രാജ്യങ്ങളാണെന്നാണ് വീണാ മാലിക് പറഞ്ഞത്. കുടാതെ ഇന്ത്യയും ഇസ്രയേലും കശ്മീരിനെയും പലസ്തീനെയും തകര്‍ത്തെന്നും അവിടെയുള്ള പാവങ്ങളെ കൊന്നൊടുക്കിയെന്നും താരം വീഡിയോയില്‍ പറയുന്നു. ഈ കൂടിക്കാഴ്ചയെ നല്ലരീതിയില്‍ കാണാനാവില്ലെന്നും വീണ പ്രതികരിച്ചു.