ഇസ്മായില്‍ ഹനിയയുടെ കൊലപാതകത്തിന് പിന്നാലെ സംഘടനയുടെ രാഷ്ട്രീയ വിഭാഗം ചുമതല യഹിയ സിന്‍വാറിന് കൈമാറി ഹമാസ്. ചൊവ്വാഴ്ച വൈകിയാണ് ഇക്കാര്യം പ്രഖ്യാപിച്ചത്. 1,200 ഓളം ഇസ്രായേലികളുടെ ജീവനെടുത്ത ഒക്ടോബര്‍ 7ലെ ആക്രമണത്തിന്റെ മുഖ്യസൂത്രധാരനാണ് ഹമാസിന്റെ ഗാസ വിഭാഗം ചുമതലയുള്ള യഹിയ സിന്‍വാര്‍. കടുത്ത രാഷ്ട്രീയ സമീപനങ്ങള്‍ക്ക് പേരുകേട്ട സിന്‍വാര്‍ ഹമാസ് തലപ്പത്തെത്തുന്നത് ഇസ്രായേലിനെ ചൊടുപ്പിക്കുമെന്ന് ഉറപ്പാണ്.
