അതേസമയം വെടിനിര്‍ത്തലിനായി അമേരിക്കയുടെ ഭാഗത്ത് നിന്ന് ശ്രമം തുടരുകയാണ്. പശ്ചിമേഷ്യന്‍ സന്ദര്‍ശനം നടത്തുന്ന സ്‌റ്റേറ്റ് സെക്രട്ടറി ആന്റണി ബ്ലിങ്കന്‍ ഇന്ന് തുര്‍ക്കി നേതൃത്വവുമായി ചര്‍ച്ച നടത്തും. അതിനിടെ വേണ്ടിവന്നാല്‍ ലെബനോനെതിരെ യുദ്ധം ചെയ്യാന്‍ തയ്യാറാണെന്നും അതിനായി ഇസ്രായേല്‍ സജ്ജമാണെന്നും ഇസ്രായേല്‍ സൈന്യം വ്യക്തമാക്കി. ഗാസയില്‍ 9770 പേരാണ് ഇസ്രായേല്‍ ആക്രമണത്തില്‍ കൊല്ലപ്പെട്ടത്. ഇതില്‍ നാലായിരത്തിലധികവും കുട്ടികളാണ്. ഹമാസ് ബന്ദിയാക്കിയവരെ വിട്ടയച്ചില്ലെങ്കില്‍ യുദ്ധം പൂര്‍ണതോതില്‍ മുന്നോട്ട് പോകുമെന്നാണ് ഇസ്രായേല്‍ നിലപാട്.
