ഉത്തരകൊറിയയില്‍ കൊവിഡ് പ്രോട്ടോക്കോള്‍ ലംഘിച്ചയാളെ പരസ്യമായി വധശിക്ഷക്ക് വിധേയനാക്കിയെന്ന് രാജ്യാന്തര മാധ്യമങ്ങള്‍. എന്നാല്‍ ഉത്തര കൊറിയ ഇക്കാര്യം നിഷേധിച്ചു. ചൈനീസ് അതിര്‍ത്തിയില്‍ കള്ളക്കടത്ത് നടത്തിയ വ്യക്തിയെയാണ് തൂക്കിലേറ്റിയതെന്ന് ഉത്തരകൊറിയ വെളിപ്പെടുത്തി. രാജ്യത്ത് ഇതുവരെയും ആര്‍ക്കും കൊവിഡ് സ്ഥിരീകരിച്ചിട്ടില്ല. കൊവിഡിനെതിരെ ശക്തമായ ജാഗ്രതയാണ് രാജ്യം പുലര്‍ത്തുന്നതെന്നും ഭരണകൂടം വ്യക്തമാക്കി.
