ലിബിയയിലെ പ്രധാന വിമാനത്താവളമായ ട്രിപ്പോളി അന്താരാഷ്ട്ര വിമാനത്താവളത്തില്‍ ഭീകരര്‍ തമ്മില്‍ ഏറ്റുമുട്ടി 47 ഭീകരര്‍ കൊല്ലപ്പെട്ടു. നിരവധിപേര്‍ക്ക് പരിക്കേറ്റു. സിന്‍തന്‍ ഭീകരരും ഇസ്ലാമിക ഭീകരരും തമ്മിലാണ് ശക്തമായ ഏറ്റുമുട്ടല്‍ നടത്തിയത്.
2011-ല്‍ ലിബിയന്‍ ഏകാധിപതി കേണല്‍ മുഅമര്‍ ഗദ്ദാഫിയെ സ്ഥാനഭ്രഷ്ടനാക്കിയ ശേഷം ട്രിപ്പോളി അന്താരാഷ്ട്ര വിമാനത്താളം നിയന്ത്രിച്ചിരുന്നത് സിന്‍തന്‍ ഭീകരരായിരുന്നു. ഇവരുമായുള്ള സന്ധി അവസാനിച്ചതിനെത്തുടര്‍ന്ന് സിന്‍തന്‍ ഭീകരര്‍ക്ക് നേരെ ഇസ്ലാമികഭീകരര്‍ ആക്രമണം നടത്തുകയായിരുന്നു.