ഉക്രൈനില്‍ നിന്ന് എത്രയും വേഗം പുറത്തുപോകാന്‍ പൗരന്മാരോട് ഇന്ത്യന്‍ എംബസി. റഷ്യയുമായുള്ള സംഘര്‍ഷം നിലനില്‍ക്കുന്ന സാഹചര്യത്തിലാണ് ഇന്ത്യന്‍ എംബസിയുടെ മുന്നറിയിപ്പ്. വിദ്യാഭ്യാസത്തിനെത്തിയിട്ടുള്ള വിദ്യാര്‍ത്ഥികള്‍ ഉക്രൈനില്‍ തുടര്‍ന്നും നില്‍ക്കേണ്ടതില്ലെന്നും താല്‍ക്കാലികമായി രാജ്യം വിടണമെന്നും അറിയിപ്പുണ്ട്. കൂടാതെ ഉക്രൈനിലേക്ക് അനിവാര്യമല്ലാത്ത യാത്രകളും ഒഴിവാക്കണമെന്ന് പൗരന്മാരോട് എംബസി ആവശ്യപ്പെട്ടു.
