അമേരിക്കയിലെ ടെക്‌സസില്‍ സ്‌കൂളിലുണ്ടായ വെടിവയ്പില്‍ 21 പേര്‍ കൊല്ലപ്പെട്ടു. 18 കുട്ടികളും അധ്യാപികയുള്‍പ്പെടെ മൂന്ന് മുതിര്‍ന്നവരുമാണ് കൊല്ലപ്പെട്ടത്.
സ്‌കൂളില്‍ കയറി വെടിയുതിര്‍ത്തത് 18 കാരനാണ്. സാന്‍ അന്റോണിയോ സ്വദേശി സാല്‍വദോര്‍ റമോസാണ് അക്രമം നടത്തിയത്. ഏറ്റുമുട്ടലില്‍ സാല്‍വദോറും കൊല്ലപ്പെട്ടു. രണ്ട് പൊലീസുകാര്‍ക്ക് പരുക്കേറ്റു. അക്രമത്തില്‍ നിരവധി പേര്‍ക്ക് ഗുരുതര പരുക്കുകളുണ്ട്. അക്രമത്തെ യുഎസ് പ്രസിഡന്റ് ജോ ബൈഡന്‍ അപലപിച്ചു.