സിറിയയിലെ അലെപ്പോയില്‍ സിറിയന്‍ സൈനികര്‍ നടത്തിയ വ്യോമാക്രമണത്തില്‍ 121 പേര്‍ മരിച്ചു. സമാധാനചര്‍ച്ച പരാജയപ്പെട്ട് മണിക്കൂറുകള്‍ക്കകമാണ് സൈന്യത്തിന്റെ ആക്രമണം.
അലെപ്പോ പ്രവിശ്യയുടെ വടക്കന്‍ മേഖലയിലാണ് ആക്രമണം ഉണ്ടായത്. മൂന്നുറിലധികം പേര്‍ക്ക് പരുക്കേറ്റു. മരിച്ചവരില്‍ കുട്ടികളും സ്ത്രീകളും ഉള്‍പ്പെടുന്നു. സിറിയ സര്‍ക്കാറും പ്രക്ഷോഭത്തിലുള്ള പ്രതിപക്ഷവും തമ്മില്‍ ജനീവയില്‍നടന്ന പത്തുദിവസത്തെ സമാധാനചര്‍ച്ച കാര്യമായ നേട്ടമില്ലാതെ അവസാനിച്ചത് ഇന്നലെയാണ്.