ഇറ്റലി പ്രധാനമന്ത്രി എന്‍റിക്കോ ലെറ്റ രാജിവെച്ചു. ഏറെ രാഷ്ട്രീയനാടകങ്ങള്‍ക്ക് ശേഷമാണ് ലെറ്റ രാജിവെച്ചത്. ഭരണകക്ഷിയായ ഡമോക്രാറ്റിക് പാര്‍ട്ടി പ്രസിഡന്‍റ് മാറ്റിയോ റെന്‍സി പുതിയ പ്രധാനമന്ത്രിയാവും.
പത്തുമാസത്തെ ഭരണത്തിനൊടുവിലാണ് മധ്യവലതുപക്ഷ കൂട്ടുകക്ഷി ഭരണത്തിന് നേതൃത്വംനല്‍കിയ 47-കാരനായ ലെറ്റ പടിയിറങ്ങുന്നത്. സാമ്പത്തികപ്രതിസന്ധിയില്‍നിന്ന് രാജ്യത്തെ കരകയറ്റാന്‍ ലെറ്റയ്ക്കും ഏറെയൊന്നും ചെയ്യാനായിരുന്നില്ല. സ്വന്തം പാര്‍ട്ടിയും എതിരായതോടെ ലെറ്റ രാജിക്ക് നിര്‍ബന്ധിതനാവുകയായിരുന്നു.