മലാല യൂസഫ് സായ് കുട്ടികള്‍ക്കുള്ള അന്താരാഷ്ട്ര സമാധാന പുരസ്‌കാരം ഏറ്റുവാങ്ങി. ഹേഗില്‍ നടന്ന ചടങ്ങില്‍ 2011-ലെ സമാധാന നൊബേല്‍ ജേതാവ് തവക്കുള്‍ കര്‍മാനാണ് പുരസ്‌കാരം നല്‍കിയത്.
കഴിഞ്ഞ ഒക്ടോബറില്‍ പാകിസ്ഥാനിലെ പെണ്‍കുട്ടികളുടെ വിദ്യാഭ്യാസ അവകാശത്തിനായി വാദിച്ചതിന്റെ പേരില്‍ മലാലയെ സ്വാത്ത് താഴ്‌വരയില്‍ വച്ച് താലിബാന്‍ തീവ്രവാദികള്‍ ആക്രമിച്ചിരുന്നു.
തുടര്‍ന്ന് മലാലയെ ബ്രിട്ടനില്‍ ചികിത്സക്കായി എത്തിച്ചിരുന്നു. സുരക്ഷകാരണങ്ങളാല്‍ മലാലയും കുടുംബവും ബ്രിട്ടനില്‍ തന്നെയാണ് ഇപ്പോള്‍.