പ്രധാനമന്ത്രി നരേന്ദ്ര മോദിക്ക് ഭ്രമം. വേറൊന്നിനോടുമല്ല, ക്യാമറയോട്!. കേട്ടാല്‍ ആര്‍ക്കും ചിരിവരും. സംഭവം സത്യമാണ്. ലിസബണിലെത്തിയ മോദിയുടെ സന്ദര്‍ശനത്തിനിടെയുള്ള സംഭവം സോഷ്യല്‍ മീഡിയയില്‍ വൈറലായിരിക്കുകയാണ്. ക്യാമറ വരാതെ കാറില്‍ നിന്നും ഇറങ്ങുന്ന പ്രശ്നമില്ല എന്ന മട്ടിലാണ് മോദിയുടെ ഇരുപ്പ്.
ക്യാമാറാമാന്‍ ഇല്ലാത്തതിനെ തുടര്‍ന്ന് കാറില്‍ നിന്നും ഇറങ്ങാന്‍ മോദി തയ്യാറായില്ലെന്നാണ് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു. ലിസ്ബണിലെ ക്യാന്‍സര്‍ റിസര്‍ച്ച് ആന്‍ഡ് ട്രീറ്റ്മെന്റ് സെന്ററില്‍ വെച്ചായിരുന്നു സംഭവം. മോദിയുടെ വാഹനം എത്തിയപ്പോള്‍ സുരക്ഷാ ജീവനക്കാരന്‍ ഡോര്‍ തുറന്നെങ്കിലും ഇറങ്ങാന്‍ തയ്യാറാകാതെ ഇരിക്കുന്ന മോദിയെ വീഡിയോയില്‍ വ്യക്തമായി കാണാം.
